O día 5 de marzo de 2026 ás 20:00 h, Cantar Delas ofreceu un concerto, do seu proxecto musical CREADORAS DE MÚSICA, no Salón de Actos da Biblioteca Pública de Lugo, en conmemoración do día Internacional da Muller, que se celebra o 8 de marzo, para reivindicar a composición musical feminina e visibilizar ás creadoras silenciadas ao longo da historia.
A través deste proxecto musical, Cantar Delas busca recuperar e divulgar composicións de mulleres que permaneceron durante séculos ao marxe da historia.
Paralelamente ao concerto, na sala de exposicións da Biblioteca Pública, estaba a exposición: MULLERES PARA PENSAR, IDEAS PARA DEFENDER, organizada polo Foro Feminista de Lugo, onde, o público, asistente ao concerto, puido ver as aportacións de 30 mulleres á historia da humanidade, á construción da igualdade e á defensa dos dereitos humanos.
Concerto e exposición foron o complemento ideal para a celebración deste 8 de marzo de 2026, día Internacional da Muller, acercando á cidadanía lucense as mulleres pensadoras, creadoras e activistas pola igualdade.
