Seguindo o ciclo de concertos "Carmina Viarum", o día 28 de maio de 2022, estaremos na igrexa parroquial de Santiago de Triacastela para interpretar cantos dos camiños, composicións musicais relixiosas e profanas, nun percorrido que vai dende a Idade Media ata a actualidade.
Cantar Delas súmase á interpretación do Dona nobis pacem de Mozart o domingo 27 de marzo ás 12. Xuntarémonos na Praza de Santa María coas corais da nosa cidade e con todas aquelas persoas que desexen unirse a facer un CANTO POLA PAZ.
A soprano compostelana, afincada en Madrid, Carmen Subrido Tubío, o día 13 de marzo de 2022, impartiu un curso intensivo de técnica vocal a compoñentes dos coros Lugh, Hospital Xeral e Cantar Delas para conseguir afianzar unha adecuada respiración e articulación que axude a mellorar o canto e a técnica vocal.
Foto publicada no diario El Progreso da actuación realizada en Sarria, o domingo 27 de febreiro.
O domingo 27 de febreiro actuaremos en Sarria, continuando co ciclo de concertos Carmina Viarum. O 6 de marzo, trasladarémonos a Palas de Rei para interpretar o mesmo concerto.
Como todos os anos participamos o pasado luns 20 de decembro nos cantos de Nadal organizados pola Deputación de Lugo.
O luns 27 de decembro repetiremos actuación a partir das 18,00 horas e co seguinte percorrido: fondo da Praza Maior - Rúa da Raíña- Rúa do Progreso
A fin de semana do 11 e 12 de decembro comezamos nova etapa de concertos: CARMINA VIARUM
O 25 de novembro Cantar Delas participou na homenaxe ás mulleres vítimas da violencia machista, no acto celebrado ás 17:30 na praza de Santo Domingo, onde se leu un manifesto, a cargo de Rosa Arcos Caamaño.
